ရွှေ့ပြောင်းမြန်မာ ကလေးများ၏ ၂၀၁၀/၁၁ ခုနှစ် ပညာသင်နှစ်အတွက် ကျောင်းများ စတင်ဖွင့်လှစ်

ရွှေ့ပြောင်းမြန်မာ ကလေးများ၏ ၂၀၁၀/၁၁ ခုနှစ် ပညာသင်နှစ်အတွက် ကျောင်းများ စတင်ဖွင့်လှစ်

ထိုင်းနိုင်ငံတွင် အလုပ်လုပ်ကိုင်နေကြသော ရွှေ့ပြောင်းမြန်မာ အလုပ်သမားများ၏ သားသမီးများအတွက်၊ ထိုင်းနိုင်ငံတောင်ပိုင်း ဖန်ငဒေသအခြေစိုက် ပညာရေးနှင့် ဖွံ့ဖြိုးတိုးတက်ရေး ဖောင်ဒေးရှင်း (FED) အဖွဲ့က ယမန်နေ့တွင် ကျောင်းများစတင် ဖွင့်လှစ်ပြီး ၂၀၁၀/ ၁၁ ပညာသင်နှစ်ကို စတင်ခဲ့သည်။

ကျောင်းများပြန်လည် ဖွင့်လှစ်ခဲ့ခြင်းနှင့် ပတ်သက်ပြီး FED မှ ပညာရေးတာဝန်ခံ ဦးမင်းသိမ်းကျော်က “မနေ့က ကျောင်း (၁၀)ကျောင်း ဖွင့်ပါတယ်။ ကျောင်းလာအပ်တဲ့ ကျောင်းသူ၊ ကျောင်းသား (၄၈၁)ယောက် ရှိပါတယ်။ ကျနော်တို့ကျောင်းမှာ နိုင်ငံခြား ဘော်လန်တီယာ ဆရာတွေ၊ ထိုင်းဆရာမတွေ ပြီးတော့ မြန်မာနိင်ငံက ရောက်လာကြတဲ့ ဘွဲ့ရ၊ ဘွဲ့လွန် ဆရာ၊ ဆရာမ စုစုပေါင်း (၄၀)၀န်းကျင်နဲ့ သင်ကြားပေးပါတယ်။

ပြီးခဲ့တဲ့နှစ်ကဆိုရင် လူငယ်သိပံ္ပကျောင်းကို ဖွင့်လှစ်နိုင်ခဲ့ပါတယ်။ ကျနော်တို့က သြစတေးလျားက ပညာရေး ဒေါက်တာတစ်ယောက်ရဲ့ အကြံဥာဏ်ကို ရယူပြီးတော့ ကျနော်တို့ ညှိနှိုင်းပြီးတော့ သင်ရိုးချကြတယ်။ မြန်မာပြည်မှာလို အလွတ်ကျက် ပညာသင်ကြားနည်းကိုတော့ ကျနော်တို့ မသုံးဘူး။ ကလေးတွေ လွတ်လပ်စွာ တွေးတော့ကြံဆနိုင်တဲ့ နည်းဖြစ်ပါတယ်”ဟု ပြောသည်။

အိမ်စာပေးခြင်းမျိုး ရှောင်ရှားပြီး၊ စာသင်ခန်းတွင် ပြီးမြောက်အောင် သင်ကြားပေးသည်။ ထို့အပြင် အကြောက်တရား ကင်းစင်ပြီး ပြောရဲ၊ ဆိုရဲရှိသော ကလေးများဖြစ်အောင် လေ့ကျင့်သင်ကြားပေးသည်ဟု သိရသည်။

ကလေးများသည် အရာအားလုံးတွင် မတော်နိုင်သလို အရာအားလုံးတွင်လည်း မညံ့နိုင်ကြောင်း၊ တစ်နေကုန် စာသင်ပြီး အိမ်ပြန်ရောက်၍ မိသားစုနှင့် နေထိုင်ချိန်တွင် နွေးထွေးစွာနှင့် လွတ်လပ်ပေါ့ပါးစွာ နေထိုင်သင့်ကြောင်း ကလေးများကို ကိုယ်ပိုင်ချိန် ပေးသင့်ကြောင်း ဦးမင်းသိန်းကျော်က ဆက်ပြီးရှင်းပြသည်။

၂၀၀၄ ခုနှစ် ဆူနာမီ ဖြစ်ပွားပြီးနောက် မြန်မာရွှေ့ပြောင်း အလုပ်သမားများ၏ သားသမီးများ ပညာသင်ကြားနိုင်ရေးအတွက် ၂၀၀၅ခုနှစ် ဇွန်လတွင် စာသင်ကျောင်း (၃)ကျောင်း စတင်ဖွင့်လှစ်ခဲ့သည်။ ယခုပညာသင်နှစ်သည် ဆဋ္ဌမမြောက် ဖြစ်ပြီး စတင်ခဲ့ချိန်က ကြုံတွေ့ခဲ့ရပုံများကို (FED)မှ အမှုဆောင် ဒါရိုက်တာ ဦးထူးချစ်က အခုလို ရှင်းပြသည်။

“အစပိုင်းတုန်းက ဒေသခံ ထိုင်းလူမျိုးတွေ အမြင်မကြည်တာကို ကျနော်တို့ အရင်ကြိုးစားခဲ့ရတယ်။ လုံခြုံရေးက အစပေါ့။ အခုတော့ ကျနော်တို့ ကိုယ်ပိုင်မြေ၀ယ်ပြီး ကျောင်းတွေ ဆောက်နိုင်ခဲ့ပြီ။ တစ်နှစ်မှာ ကျောင်းသား ခြောက်ရာကျော် ခုနှစ်ရာကျော်အထိ သင်ကြားပေးနိုင်ခဲ့ပါတယ်။ ကျနော်တို့အဖွဲ့က ကလေးတွေ ပညာရေးကိစ္စ တစ်ခုတည်းမဟုတ်ပဲ။ ကလေးမိဘတွေရဲ့ အလုပ်သမား အခွင့်အရေးကိစ္စ၊ အလုပ်အကိုင် ရှာဖွေရေးကိစ္စ၊ ကျန်းမာရေးကိစ္စ အပါအ၀င် အခြားကဏ္ဍ အတော်များများကိုပါ ကူညီဆောင်ရွက်ပေးတာကြောင့် မြန်မာရွှေ့ပြောင်း အလုပ်သမားတွေအတွက် အထူးကောင်းမွန်ပါတယ်။ နိုင်ငံတကာ စီးပွားရေး ကျပ်တည်းမှုကြောင့် ရံပုံငွေ အခက်အခဲ အနည်းငယ်တော့ ရှိပါတယ်။ လူထုရဲ့အားကို ကျနော်ယုံပါတယ်။ ကျနော်တို့ အခက်အခဲ ကြုံနေရချိန်မှာ သူတို့တွေကလည်း အလှူငွေအချို့ ထည့်ဝင်ကြပါတယ်”ဟု ပြောပြသည်။

Integration အစီအစဉ်ဖြင့် ပြီးခဲ့သောနှစ်နှင့် ယခုနှစ်များတွင် မြန်မာကလေးငယ် တရာကျော်ကို ထိုင်းအစိုးရ ကျောင်းများသို့ ပို့နိုင်ခဲ့ကြောင်း သိရသည်။

ယခုအခါ ထိုင်းအစိုးရ ပညာရေးဋ္ဌာန(ဖန်င)က FED မှ ကျောင်းများကို တရားဝင် အသိအမှတ်ပြုထာပြီး ဖြစ်သည်။ ယခုနှစ်တွင် အဖွဲ့အစည်းပိုင် ၀ယ်ယူထားသည့် မြေပေါ်၌ အနည်းဆုံး ကျောင်းသူ/ကျောင်းသား (၃၀၀)ကျော် ပညာသင်ကြားနိုင်ပြီး ကျောင်းအိပ်၊ ကျောင်းစား နေထိုင်နိုင်သည့် အဆောက်ဦတစ်ခု ဆောက်လုပ်မည်ဖြစ်ကြောင်း သိရသည်။

IMG_3577_1024x768FED ၏ ပညာရေး ကျောင်းတွင် လေးနှစ်တိုင် ပညာသင်ကြားခဲ့ပြီး ဖြစ်သော အသက် (၁၃)နှစ်အရွယ် မအိအိမိုး၏ မိခင် ဒေါ်လှမြင့်က “သမီးလေး အခုလို ကျောင်းတက်ခွင့်ရနေတာကို ၀မ်းလည်းသာပါတယ်။ FED အဖွဲ့ကိုလည်း အထူး ကျေးဇူးတင်ပါတယ်။ ဗမာပြည်မှာဆိုရင် ကျမတို့ ဘယ်ကျောင်းထားနိုင်မလဲ၊ အခုသမီးလေးက မိဘတွေလုပ်တဲ့ အလုပ်ကိုလည်း ၀င်ကူပြီး လုပ်တယ်။ ကျောင်းအကြို အပို့အတွက် ကားခတစ်လကို ဘတ် (၃၀၀)ပဲ ပေးရပါတယ်။ ဘာစရိတ်မှ မရှိဘူး။ ဗမာပြည်မှာဆိုရင် ဘာစရိတ်၊ ညာစရိတ်ဆိုပြီး တောက်လျှောက် ကောက်နေတာ။ ဒီမှာကလေးတွေ ပေါ့ပေါ့ပါးပါးနဲ့ ပညာသင်နေရသလို ကျမတို့ ကျောင်းသားမိဘတွေမှာလည်း ဘာဝန်ထုတ်ဝန်ပိုးမှ မရှိဘူးရှင့်” ဟုပြောသည်။

ထိုင်းနိုင်ငံ တောင်ပိုင်းရှိ မြန်မာအလုပ်သမားများမှာ ရာဘာခြံ၊ ငါးဖမ်း၊ ပန်းရံ၊ ဟိုတယ်၊ အိမ်ဖေါ်နှင့် အခြားလုပ်ငန်းများတွင် အလုပ် လုပ်ကိုင်နေကြသည်။ FED မှ ကျောင်းများ ဖွင့်လှစ်ထားသဖြင့် တချို့ အလုပ်သမားများသည် မြန်မာပြည်မှ သားသမီးများကိုပါ ပြန်လည်ခေါ်ယူပြီး မိသားစု အတူနေထိုင်းကာ ကလေးများကို ပညာသင်ပေးလျှက်ရှိကြောင်း သိရသည်။

www.ghre.org/mm/news/